Intruduzioni

Intruduzioni ultima modifica: 2015-01-10T07:04:21+00:00 da nadmin
 
 

La ‘janna a lianti.
Passoni, casi e trasti di li stazzi illa Gaddura di chisti tempi

 Socu crisciutu in un paesi postu ill’azza di lu mari, unu di li lochi prifiruti da lu turismu di lu statiali.
In casa mea si faiddhàa abbeddhu ma no si faiddhàa in gadduresu; chistu l’agghju imparatu da un mè’ fidali fiddolu di lu ghjuagliu a pastori chi stagghja inn’unu stazzu accultu a casa, undi agghju passatu umbè di dì di la mè’ picinnia. Iddi chindi haìani ghjà la televisioni a culori ma li mancàa la currenti elettrica. Cu la mè’ familia erami a ghjettu (un chilometru .. si e no); haìami la currenti ma la televisioni era ancora di li primmi: in “biancu e nieddu”.
Agghju viùtu da steddu in un mumentu di trasfolmazioni manni illu me paesi minori.
Abà Ill’avvidemminni, pensu cun tuttu d’esse’ fultunatu.